- Gjyqtar
Gent Ibrahimi
Gjyqtar Gent Ibrahimi u emërua anëtar i Gjykatës Kushtetuese së Republikës së Shqipërisë nga Presidenti i Republikës, në dhjetor 2022.
Rrugëtimi profesional
Diplomohet në Fakultetin e Drejtësisë, Universiteti i Tiranës.
Kryen studime të krahasuara në të Drejtën Kushtetuese në Universitetin e Evropës Qendrore (CEU), Budapest.
Pedagog i së drejtës administrative në Fakultetin e Drejtësisë, Universiteti i Tiranës.
Administrator i Programit të Drejtësisë pranë Fondacionit Shoqëria e Hapur për Shqipërinë.
Këshilltar Ligjor dhe Drejtor i Kabinetit të Ministrit të Shtetit për Reformën Legjislative dhe Marrëdhëniet me Parlamentin. Ka kontribuar në hartimin e Kushtetutës së vitit 1998 dhe të një sërë ligjesh të rëndësishme post-kushtetuese.
Drejtor Ekzekutiv i Institutit të Studimeve Publike dhe Ligjore, një organizatë jo fitimprurëse me fokus në fushën e studimeve mbi sistemin e drejtësisë dhe qeverisjen në përgjithësi.
Këshilltar i jashtëm në Ministrinë e Punës dhe Çështjeve Sociale.
Këshilltar Ligjor pranë institucioneve ndërkombëtare të qeverisjes në kuadër të UNMIK në Kosovë.
Pedagog i jashtëm në Shkollën e Magjistraturës. Ekspert në shërbime konsulence në fusha të tilla si sistemi gjyqësor, qeverisja, anti – korrupsioni, shërbimi civil dhe reforma administrative, media etj. Bashkautor i shumë studimeve dhe komentarëve të botuar në fushën e të drejtave të njeriut, të drejtës kushtetuese, të drejtës administrative, sistemit të drejtësisë, lirisë së shprehjes, të drejtës të organizimit kolektiv, të drejtës të informimit, jetës private etj.
Këshilltar në Projektin Kundër Korrupsionit (PACA).
Kryetar i Këshillit të Reformës Ligjore në Ministrinë e Drejtësisë.
Kryetar i dy grupeve të punës për hartimin e ndryshimeve kushtetuese dhe ligjore në kuadër të reformës në drejtësi.
Kryetar i Këshillit të Lartë të Prokurorisë.
Anëtar i Gjykatës Kushtetuese.


