Në kuadër të aktiviteteve për edukimin ligjor dhe rritjen e transparencës, Gjykata Kushtetuese e Republikës së Shqipërisë mirëpret nxënës, studentë, përfaqësues të institucioneve, organizatave të shoqërisë civile dhe grupe të tjera të interesuara për t’u njohur më nga afër me institucionin dhe rolin e tij në mbrojtjen e Kushtetutës dhe shtetit të së drejtës. Përmes vizitave të organizuara, pjesëmarrësit do të kenë mundësi të vizitojnë mjediset e institucionit, të mësojnë mbi funksionimin e drejtësisë kushtetuese dhe të njihen me historikun e Gjykatës Kushtetuese ndër vite.