Liria dhe siguria në fokus – standardet e GJEDNJ në praktikë.
Sot, më 25 mars 2026, këshilltarët ligjorë të Gjykatës Kushtetuese po marrin pjesë në një trajnim të dedikuar mbi nenin 5 të Konventës Evropiane për të Drejtat e Njeriut, një nga garancitë themelore për mbrojtjen e lirisë individuale.
Ky aktivitet zhvillohet me mbështetjen e Këshillit të Evropës, në kuadër të projekteve “Rritja e kapaciteteve të gjyqësorit për zbatimin më të mirë të standardeve të së drejtës për liri dhe siguri në Shqipëri” dhe “Mbrojtja e të drejtës së pronës dhe lehtësimi i ekzekutimit të vendimeve të GJEDNJ-së në Shqipëri (D-REX III)”, duke synuar forcimin e mëtejshëm të kapaciteteve profesionale dhe përmirësimin e zbatimit të standardeve evropiane në praktikën gjyqësore.
Trajnimi realizohet me kontributin e ekspertëve të Këshillit të Europës:
- Lorenzo Jannelli, gjyqtar i deleguar pranë Njësisë Italianetë Regjistrit të Gjykatës Europiane për të Drejtat e Njeriut
- Gentian Jahjolli, gjyqtar në Gjykatën e Shkallës së Parë Tiranë dhe ekspert i Këshillit të Evropës
Përmes analizës së rasteve konkrete dhe diskutimeve interaktive, pjesëmarrësit po thellojnë njohuritë mbi:
✔️ kufizimin e ligjshëm të lirisë
✔️ standardet procedurale
✔️ arsyetimin juridik në dritën e jurisprudencës së Strasburgut.
Gjykata Kushtetuese shpreh mirënjohje ndaj Këshillit të Evropës për mbështetjen e vazhdueshme në forcimin e kapaciteteve profesionale dhe konsolidimin e standardeve të të drejtave të njeriut në Shqipëri.