njoftimet e fundit per median dhe publikun

për vitin 2013

                                                                     Kontrolli i kushtetutshmërisë së ligjeve, i kërkuar nga gjykatat (Kontroll incidental)

Gjykata Kushtetuese e Republikës së Shqipërisë, bazuar në nenin 70/1 të ligjit nr. 8577, datë 10.02.2000 “Për organizmin dhe funksionimin e Gjykatës Kushtetuese të Republikës së Shqipërisë”, njofton se janë paraqitur dhe janë në shqyrtim 2 kërkesa nga Gjykatat e Rrethit Gjyqësor, Tiranë dhe Vlorë, me objekt shfuqizimin si të papajtueshëm me Kushtetutën të neneve 186, 298 dhe 248 të Kodit Penal të Republikës së Shqipërisë, në pjesët që parashikojnë dy dënime kryesore.

                                                                                                                 Njoftim për datë seance

Kërkues: Shoqata e Shoqërive të Hidrokarbureve
 
Subjekte të interesuara: Këshilli i Ministrave, Ministria e Financave, Autoritetit i Konkurrencës, Shoqëria “Global Fluids International” S.A., Shoqëria “Petroleum Consulting Partners” A.G.
 
Objekti: Shpallja e papajtueshmërisë me Kushtetutën dhe me marrëveshjet ndërkombëtare dhe shfuqizimi i Vendimit të Këshillit të Ministrave nr.200, datë 13.03.2013 “Për miratimin e kontratës së koncesionit për shërbimin e markimit dhe monitorimit të karburanteve, të lidhur ndërmjet Ministrisë së Financave të Republikës së Shqipërisë dhe Bashkimit të Përkohshëm të shoqërive “Global Fluids Internacional” S.A. dhe “Petroleum Consulting Partners” A.G.”. Pezullimi i zbatimit të Vendimit të Këshillit të Ministrave nr.200, datë 13.03.2013, deri sa vendimi përfundimtar i Gjykatës Kushtetuese të hyjë në fuqi.
 

Data e seancës: 03.10.2013, ora 10.00

Kontrolli i kushtetutshmërisë së ligjeve, i kërkuar nga gjykatat (Kontroll incidental)

Gjykata Kushtetuese e Republikës së Shqipërisë, bazuar në nenin 70/1 të ligjit nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, njofton se pranë kësaj gjykate po shqyrtohet kërkesa e paraqitur nga Gjykata e Apelit Tiranë, me subjekte të interesuara: Kuvendi i Shqipërisë, Këshilli i Ministrave, Ministria e Financave (Drejtoria e Përgjithshme e Tatimeve), dhe me objekt: Kontrolli i kushtetutshmërisë së nenit 109/3, të ligjit nr.9920, datë 19.05.2008 “Për procedurat tatimore në Republikën e Shqipërisë”.

Scroll to Top