Vizitë në Gjykatën Kushtetuese e Ambasadorit të Republikës së Italisë, Z. Massimo Gaiani

Kryetari i Gjykatës Kushtetuese, Z. Bashkim Dedja, priti sot në zyrën e tij Z. Massimo Gaiani, Ambasador i Republikës së Italisë në Tiranë.

Z. Dedja e njohu Ambasadorin Gaiani me organizimin, funksionet, kompetencat e Gjykatës Kushtetuese si dhe vlerësoi marrëdhëniet e bashkëpunimit dhe shkëmbimin e përvojave  me Gjykatën Kushtetuese italiane këto vitet e fundit.

Gjatë takimit palët shprehën vullnetin e përbashkët  për vazhdimin e marrëdhënieve të bashkëpunimit.