Trupa e gjyqtarëve të Gjykatës Kushtetuese ka marrë pjesë në ceremoninë përmbyllëse të procesit të rivlerësimit kalimtar të gjyqtarëve dhe prokurorëve në Republikën e Shqipërisë, të organizuar nga Kolegji i Posaçëm i Apelimit pranë Gjykatës Kushtetuese. Ceremonia shënoi përmbylljen e një prej proceseve më të rëndësishme të reformës në drejtësi në Shqipëri dhe në forcimin e shtetit të së drejtës.